رحلتى للنجاح

Development admin July 24, 2021

ده بوست تعريفي عن رحلة نجاحي العمليه

*لما بدأت رحلتي مع البيزنس في مجال مستحضرات التجميل نهاية عام 2008 محبتش اكون مجرد مستورد او تاجر عادي لأ قررت اكون خبيره في ادق تفاصيل المجال ده، درست في اكبر اكاديميات عالمية في دول كتير منهم لندن ، امريكا ، البرازيل ، الهند ، اهتميت بدراسة تركيبات ومكونات المنتجات و علوم الشعر ومشاكله وعلاجها

درست حتي الخلطات الطبيعيه والعلاج بالزيوت العطريه، حبيت اكون ملمه بكل تفصيله ليها علاقه بمجال شغلي لأن ده طبعي معرفش اعمل حاجه عاديه لازم تكون بإتقان شديد وتميز ولما اشتغلت في المجال ده اخترت التفرد طريق من اول يوم

وبما إني كنت اول حد في الوطن العربي يستورد المعالجات الحراريه اخدت توكيلات كتير من امريكا و البرازيل لحد ما وصلت بدراستي وخبرتي اني اقدر احقق المعادله الصعبه في تصنيع منتجات علاجيه وتجميليه مثاليه لكل انواع الشعر اتجنب فيها عيوب المواد المتاحه بالأسواق واتلافي مشاكل التصنيع اللي ارهقت المتخصصين والعملاء وخضت مغامرة الاستثمار في دول اجنبيه

هتكلم عن أول وأكبر مغامره :

#شركة_البرازيل

*أسست شركتي بدولة البرازيل رسميا عام ٢٠١٥ كأول مستثمر مصري في مجال مستحضرات التجميل هناك

وبعد ٣ سنين بس في سابقه هي الأولي من نوعها حصلت شركتي علي شهادة الISO 9001 لمطابقة مواصفات الجوده العالمية واتباعها اعلي سيستم أمان ومراقبة الجوده

وبعدها بسنه واحده حصلنا علي الكبيره بقي .. الISO في الR&D يعني (الابحاث والتطوير) لأول مره في تاريخ مستحضرات التجميل بالبرازيل شركة تحصل علي الشهاده دي واصبحنا رسميا #رواد_ابحاث_وتطوير التركيبات المختلفه والمميزه لكافة منتجات التجميل العلاجيه للشعر بالبرازيل

#انجازات_التسجيل_الدولي

تم ترخيص ال٦٢ منتج للشركه منذ عدة سنوات في كلا من:

*ال FDA الأمريكيه بجلالة قدرها

*وزارة الصحة المصرية بكل صعوباتها

*هيئة الغذاء والدواء السعوديه

*بلدية دبي الإماراتيه

*الاتحاد الاوروبي (CPNP) وده الانجاز الأصعب سجلنا ٤ منتجات (المعالجات الحراريه) ومكملين تسجيل باقي المنتجات

*الانفيزا البرازيليه (و دي اي منتج برازيلي لازم ياخد تصريحها)

لينك لالبوم التراخيص

https://www.facebook.com/…/starcosmeticsinte…/photos/…

#ازمات

مريت بأزمات تقطم الضهر وتهد جبال ومنهم :

سرقة شركتي ومخزني بالبرازيل بالكامل ليلة راس السنه ٢٠١٨ ده غير شحنات بالآف الكيلوهات ضاعت مني في الشحن واللي اتسرق واللي اتعدم ووووو الخ ..

حكايات كتير لحاجات مقصوده لأهل الشر والغل وحاجات تانيه مش مقصوده واهي كلها ابتلاءات فالآخر الحمد لله.

#جوائز_دولية

*تم اختياري في ٢٠١٦ أفضل سيدة اعمال شابة في قارة افريقيا والشرق الأوسط ولله الحمد

لينك فيديو استلام الجائزة

https://youtu.be/K4I6sTsbthg

#وكالة_الانباء_البرازيليه نشرت مقال عني من ايام كأول مستثمرة مصرية تدخل مجال مستحضرات التجميل وتنجح فيه وتصدر منتجاتها للعالم كله

لينك المقال علي موقع وكالة الانباء

https://anba.com.br/egipcia-empreende-com-cosmeticos…/

#السفارة_المصرية_في_البرازيل نشرت المقال عني علي الموقع الرسمي للسفارة وده من اكتر الحاجات اللي اسعدتني جدا تقدير بلدي ليا ولمجهودي ونجاحي شيء مشرف ومقامه كبير اوي عندي

لينك المقال علي موقع السفارة

https://pt.ecob.com.br/egipcia-empreende-com-cosmeticos…/

#مقابلة_الغرفة_التجارية_بالبرازيل

غرفة التجارة البرازيليه العربيه طلبت مني عمل مقابله في مقرهم بساوباولو عن فكرة انشاء الشركه وابرز المنتجات

لينك المقابله

https://www.facebook.com/starcosmeticsinternationalBrazil/videos/976147746142751/?v=976147746142751

#الجديد

*وباللنسبه للجديد في شغلي طبعا ISO الR&D مجتش من فراغ ده بفضل مجهود رهيب و ابحاث كبيره وتوصلنا لتركيبات جديده تماما لمنتجات هتكون مفجأه بمعني الكلمه وطبعا ازمة الكورونا ضيعت علينا وقت كبير بس هانت, والاتجاه القادم للشركه كله (منتجات علاجيه بالدرجه الأولي) .. خطوط انتاج علاجيه كامله هتكون حلول جذريه لكل مشاكل الشعر بمختلف انواعه وحالاته بإذن الله

#اخيرا

انك تبدأ رائد في مجال وتكمل فيه محافظ عالصداره أمر مش سهل ، محتاج تجتهد وتتعب وتشقي وتتحمل وطول الطريق تكون حريص علي التميز في الاتقان والسبق لحد ما تبقي ايقونة الإلهام للطموحين في مجال عملك ،

تعب شاق + مجهود خرافي + تضحيات قويه = نجاح منقطع النظير ، تبقي متفرد في مجالك بتغرد في حته لوحدك ملكش منافس فيها

(إن الله لا يضيع اجر من احسن عملا) وعد ووعده الحق